Неупиваемая Чаша

18 мая молятся перед иконой Пресвятой Богородицы 

"Неупиваемая Чаша"  об исцелении от недуга пьянства.

ТРОПАРЬ:

Днесь притецем вернии к Божественному и пречудному образу Пресвятыя Богоматери, напояющей верных сердца небесною Неупиваемою Чашею Своего милосердия и людем верным чудеса показующей. Яже мы видяще и слышаще духовно празднуем и тепле вопием: Владычице премилостивая, исцели наша недуги и страсти молящи Сына Твоего Христа Бога нашего спасти души наша.

Молитва:

О, Премилосердная Владычице! К Твоему заступлению ныне прибегаем, молений наших не презри, но милостивно услыши нас: жен, детей, матерей; и и тяжким недугом пиянства одержимых и от Матери своея - Церкви Христовой и спасения отпадающих братиев, сестер и сродник наших исцели.

О, Милостивая Мати Божия, коснися сердец их и скоро возстави от падений греховных и ко спасительному воздержанию приведи их. Умоли Сына Своего Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвости и целомудрии.

Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад сирых и убогих, заблудщими оставленных, и всех нас, к иконе Твоей припадающих. И да приидет сей вопль наш молитвами Твоими ко Престолу Всевышняго.

Покрый и соблюди нас от лукавого ловления и всех козней вражиих, в страшный же час исхода нашего помоги пройти нам непреткновенно воздушная мытарства, да молитвами Твоими избавимся вечнаго осуждения и да сподобимся Царствия Небеснаго во веки веков. Аминь.

Поделитесь этой полезной статьей с друзьями в соц. сетях, нажав кнопочки внизу. Благодарю Вас!